Weithiau, bydd cleifion yn ymweld â'u meddyg teulu am resymau ar wahân i rai meddygol oherwydd na wyddant ymhle y gallant gael cymorth â phroblemau cymdeithasol ehangach sy'n cael effaith negyddol sylweddol ar eu hiechyd. Derbynnir mwy a mwy fod gan ffynonellau cymorth mewn cymunedau lleol rôl bwysig i'w chwarae o ran gwella canlyniadau iechyd a lles unigolion, ochr yn ochr â gofal clinigol neu yn hytrach na gofal clinigol hyd yn oed. Mae gwasanaethau llesiant yn cynnig ystod eang o ffynonellau cymorth yn y gymuned i bobl, gan wella llesiant emosiynol a chorfforol a lleihau arwahanrwydd cymdeithasol. Yn aml, darperir y gwasanaethau gan bobl sy'n gweithio ac yn gwirfoddoli yn y trydydd sector neu yn y sector annibynnol, gan ategu rôl sefydliadau statudol.

Mae'r Presgripsiynwyr Cymdeithasol/Cynghorwyr Llesiant yn ardal Tywi Taf yn weithwyr cyswllt sy'n gweithio mewn practisau meddygon teulu i helpu cleifion â materion anfeddygol a’u helpu i gael cymorth priodol yn eu cymuned leol, er enghraifft, ym maes gwirfoddoli, cyflogaeth, budd-daliadau, tai, dyledion, magu plant a gweithgareddau corfforol. Mae ardal leol Tywi/Taf yn ariannu dau bresgripsiynydd cymdeithasol llawn-amser. Gall cleifion atgyfeirio'u hunain at y Presgripsiynydd Cymdeithasol/ Cynghorydd Llesiant yn eu practis meddyg teulu gan ddefnyddio'r ffurflen hunanatgyfeirio canlynol: